ეროვნული ხელისუფლების ალტერნატივა აგენტი ვერასოდეს იქნება, რა დავალებასაც მიიღებენ, იმ კონფიგურაციით დალაგდებიან, – ამის შესახებ „ქართული ოცნების“ წევრმა, ირაკლი კირცხალიამ განაცხადა.
„უნიჭო სერიალი, უნიჭო სპექტაკლი და ის მოღალატეობრივი სპექტაკლი, რაც 2022 წლის შემდეგ შემოგვთავაზეს, მერამდენე სეზონზე ვართ და მერამდენე სერია ხორციელდება, ამ აგენტურის მიერ, ნათლად ჩანს. დავალებას საიდან მიიღებენ ბალტიისპირეთიდან თუ ბრიუსელიდან, მნიშვნელობა არ აქვს, მათი თითოეული ნაბიჯი ამ დავალებაზე იქნება მიბმული. რაც შეეხება თვითმმართველობის არჩევნებს, მათი რეიტინგი ისტორიულ მინიმუმზეა. რა ფერის ჰალსტუხს დაიკიდებენ და რა ფერით დაბრენდავენ პარტიას, მნიშვნელობა არ აქვს, ისინი ერთი დედა პარტიის – „ნაცმოძრაობის“ შვილები არიან, რომელთა ნაწილი დავალებას მიიღებს, რომ არჩევნებში მონაწილეობა არ მიიღოს, ნაწილი მიიღებს. არ გამოვრიცხავ, რომ დღეს ერთი თქვან და ხვალ მეორე, ეს მათგან ჩვეულებრივი მოვლენაა, მათ მორალური ფასეულობები არ აქვთ. ამომრჩეველზე საერთოდ არ ფიქრობენ. რაც უფრო ნაკლებად იქნება აგენტურა პოლიტიკურ ველზე წარმოდგენილი, მით უფრო ჯანსაღი იქნება პროცესი. დარწმუნებული იყვნენ, რომ 64-ვე მუნიციპალიტეტში გამანადგურებელი შედეგით დამარცხდებიან. ეს მათაც იციან და მათმა პატრონებმაც“, – განაცხადა კირცხალიამ.
