ცესკოს თავმჯდომარის, გიორგი კალანდარიშვილის განცხადებით, შეთქმულების თეორია ძალიან ბევრი შეიძლება იყოს, მაგრამ ეს ყველაფერი რჩება შეთქმულებად და უსაფუძვლოდ, ვიდრე არ იქნება რაიმე მტკიცებულებები და ფაქტები.
მისი განმარტებით, თუ ვინმე რაიმე ტიპის მანიპულაციაში მიიღო მონაწილეობა, ეს სისხლის სამართლის დანაშაულია და ასეთი ფაქტის გამოვლენის შემთხვევაში, შესაბამისმა სამსახურებმა რეაგირება უნდა მოახდინონ.
"შეთქმულების თეორია ძალიან ბევრი შეიძლება იყოს, მაგრამ ეს ყველაფერი რჩება შეთქმულებად და უსაფუძვლოდ მანამ, სანამ არ იქნება რაიმე მტკიცებულებები და ფაქტები. თუ ვინმემ, რაიმე ასეთი ტიპის მანიპულაციაში მიიღო მონაწილეობა, რა თქმა უნდა, ეს წარმოადგენს სისხლის სამართლის დანაშაულს. თუ ვინმემ ასეთ მოქმედებაში მიიღო მონაწილეობა და ეს მოკვლევის შედეგად დადგინდება, შესაბამისი ორგანოების მხრიდან სათანადო რეაგირება უნდა მოხდეს. აუდიტორულმა კომპანიამ დაადასტურა, რომ პირის დუბლირება არის შეუძლებელი. 26 ოქტომბრის არჩევნებზე გამოყენებულ აპარატებში არცერთ დუბლირების შემთხვევას ადგილი არ ჰქონია და ცხადია, ვერც გამოვლინდებოდა", - განაცხადა გიორგი კალანდარიშვილმა.
