„ევროპული საქართველოს“ ლიდერი, გიგა ბოკერია ეხმაურება ოთარ ფარცხალაძესთან დაკავშირებით საქართველოს პრეზიდენტის, სალომე ზურაბიშვილის გადაწყვეტილებას.
„ტყუილია, რომ საქართველოს წინააღმდეგ რუსულ სპეცსამსახურებთან თანამშრომლობისთვის რუსეთის მოქალაქე ფარცხალაძეს ვერ გაასამართლებს ქართული სახელმწიფო.
პრეზიდენტის პოზიცია არის სრული აბსურდი და ივანიშვილის რეჟიმის მსგავსად, არღვევს ქართულ კანონმდებლობას“, – წერს სოციალურ ქსელში გიგა ბოკერია.
საქართველოს პრეზიდენტის ადმინისტრაციამ გაავრცელა განცხადება, სადაც აღნიშნულია, რომ სახელმწიფო ინტერესებიდან გამომდინარე, პრეზიდენტს მიზანშეწონილად არ მიაჩნია ამ ეტაპზე ოთარ ფარცხალაძისთვის საქართველოს მოქალაქეობის შეწყვეტა.
