რამდენიმე თვე და ეს სიგიჟე დასრულდება! გლობალური ომის პარტიის გავლენების ქვეშ მყოფები ყველგან აგებენ არჩევნებს - ამის შესახებ პარტია "ქართული ოცნების" დეპუტატი დიტო სამხარაძე წერს, რითაც "გამჭვირვალობის შესახებ" კანონთან დაკავშირებით ვენეციის კომისიის დასკვნას ეხმაურება:
"დაgoogleთ, ვენეციის კომისიის მიერ გაცემული რეკომენდაციები უკრაინისთვის, რეკომენდაციები, რომლებიც უკრაინამ გაითვალისწინა.
ჩვენთან გამოგზავნილი დასკვნის ქოფიფეისთია, 90 % ემთხვევა, მხოლოდ კანონის სათაურშია განსხვავება
კარგად ვხედავთ რა დამართა უკრაინას ამ დასკვნების და რეკომენდაციების შესრულებამ, ქვეყანა და ხალხი გაანადგურეს!
კატასტროფაა ასეთი ცინიკური დამოკიდებულება სახელმწიფოს და ხალხთან მიმართებაში! მეორე ხარისხოვან არსებებად მივაჩნივართ, დაბალ ფენად აღგვიქვავენ, რომ რასაც გვიბრძანებენ მონურად შევუსრულოთ! კანდიდატის სტატუსის მიღების წინ თუ ცალ ფეხზე დგომას გვავალებდნენ, ახლა მუხლებზე დაჩოქებას გვთხოვენ (ვერ ეღირსებით).
ცოტაც და იმისათვის, რომ ომი დაიწყოს, ვენეციის კომისიის მომდევნო რეკომენდაციაში, ალბათ მითითებული იქნება სამაჩაბლოში ჯობია შეიარაღებული შეტაკების დაწყება თუ აფხაზეთში. აბა კანონს სამართლებრივად არ განიხილავენ და პოლიტიკურად რასაც გვთხოვენ, ყველამ ვიცით! ჰააგის სასამართლოს დასანქცირებას აპირებენ და ვენეციის კომისიის ექსპერტების მიჯირყვნა გაუჭირდებოდათ?
რამდენიმე თვე და ეს სიგიჟე დასრულდება! გლობალური ომის პარტიის გავლენების ქვეშ მყოფები ყველგან აგებენ არჩევნებს" - წერს დიტო სამხარაძე.
