უკრაინამ ევროკავშირისგან 1,5 მილიარდი ევროს ოდენობის მაკროფინანსური დახმარების მორიგი ტრანში მიიღო. ამის შესახებ ინფორმაციას ევროკომისიის პრეზიდენტი ურსულა ფონ დერ ლაიენი ავრცელებს.
"დღეს ჩვენ უკრაინას დამატებით 1,5 მილიარდი ევრო გამოვუყავით. კიდევ მეტი იქნება, მიმდინარე წელს და მომავალში“, – წერს ფონ დერ ლაიენი სოციალურ ქსელში.
ევროკომისიის პრეზიდენტის ცნობით, ევროკავშირის მიერ უკრაინისთვის 2022 წლის მარტიდან გამოყოფილმა მაკროფინანსურმა დახმარებამ 19,2 მილიარდ ევროს მიაღწია.
