ტრამპმა ხელი მოაწერა ბრძანებას, რომლითაც ამერიკული კომპანიები TikTok-ის დიდ ნაწილს იყიდიან

ტრამპის თქმით, მას და ჩინეთის პრეზიდენტ სი ძინფინგს შორის მიღწეულია შეთანხმება, რომლის თანახმადაც TikTok-ს აშშ-ში ოპერირების გაგრძელება შეეძლება. ტრამპმა აღნიშნა, რომ ეს შეთანხმება შეესაბამება კანონმდებლობას, რომელიც ჩინურ მფლობელობაში დარჩენის შემთხვევაში აპლიკაციის ამერიკელი მომხმარებლებისთვის აკრძალვას აიძულებდა.

გეგმის თანახმად, ამერიკელი ინვესტორები TikTok-ის ოპერაციების უმეტეს ნაწილსა და მისი რეკომენდაციის ალგორითმის ლიცენზირებულ ვერსიაზე მართვას გადაიბარებენ.

თეთრი სახლის ინფორმაციით, ახალი TikTok-ს შვიდკაციანი დირექტორთა საბჭო ეყოლება, რომელშიც კიბერუსაფრთხოების და ეროვნული უსაფრთხოების ექსპერტები შევლენ, მათგან ექვსი ამერიკელი იქნება.

ამერიკელი ინვესტორების ჯგუფს ამერიკული პროგრამული უზრუნველყოფის გიგანტი Oracleხელმძღვანელობს, რომელიც აშშ-ში TikTok-ის ოპერაციებს ზედამხედველობას გაუწევს, მომხმარებელთა მონაცემთა შენახვის სერვისს უზრუნველყოფს და აპლიკაციის ალგორითმის სამართავად ლიცენზიას აიღებს.