„სიბიეს ნიუსის“ მიერ წყაროებზე დაყრდნობით გავრცელებული ინფორმაციის თანახმად, შეერთებული შტატების ოფიციალურ პირებს აცნობეს, რომ ისრაელი სრულად არის მზად ირანში ოპერაციის დასაწყებად.
შეერთებული შტატები ვარაუდობს, რომ ირანმა შეიძლება მიმართოს საპასუხო ზომებს მეზობელ ერაყში მდებარე შეერთებული შტატების ზოგიერთ ობიექტზე. ეს არის ერთ-ერთი მიზეზი, რის გამოც ოთხაშაბათს რიგ ამერიკელებს ურჩიეს ერაყის დატოვება. სახელმწიფო დეპარტამენტმა არასაგანგებო სამთავრობო წარმომადგენლებს ერაყის დატოვება უბრძანა „რეგიონული დაძაბულობის გაზრდის“ გამო, ხოლო პენტაგონმა სამხედრო პერსონალის ოჯახის წევრებს ახლო აღმოსავლეთის სხვადასხვა ადგილებიდან ნებაყოფლობით დატოვების უფლება მისცა, - განუცხადა „სიბიეს ნიუსს“ თავდაცვის წარმომადგენელმა.
პრეზიდენტ ტრამპის სპეციალური წარმომადგენელი ახლო აღმოსავლეთში, სტივ ვიტკოფი, კვლავ გეგმავს ირანთან შეხვედრას ქვეყნის ბირთვული პროგრამის შესახებ მოლაპარაკებების მეექვსე რაუნდისთვის უახლოეს დღეებში, - განაცხადა ორმა ამერიკელმა ოფიციალურმა პირმა.
პრეზიდენტმა ტრამპმა ოთხშაბათს კენედის ცენტრში გამოსვლისას ირანზე ისაუბრა და ჟურნალისტებს განუცხადა, რომ ამერიკელებს ურჩევენ რეგიონის დატოვებას, „რადგან ეს შეიძლება საშიში ადგილი იყოს და ვნახოთ, რა მოხდება“. მან ასევე გაიმეორა, რომ შეერთებულ შტატებს წინააღმდეგია ირანის მიერ ბირთვული იარაღის შექმნის.
„ჩვენ ამას არ დავუშვებთ“, - განაცხადა ტრამპმა.
ირანის თავდაცვის მინისტრმა აზიზ ნასირზადემ ოთხშაბათს ჟურნალისტებს განუცხადა, რომ თუ ბირთვული მოლაპარაკებები ჩაიშლება და „კონფლიქტი თავს მოგვახვევენ“, ისლამური რევოლუციის გუშაგთა კორპუსი „მიმღებ ქვეყნებში შეერთებული შტატების ყველა ბაზას დაარტყამს“.
ოთხშაბათს, ბრიტანეთის საზღვაო ვაჭრობის ორგანიზაციამ გემებს ურჩია, სიფრთხილე გამოეჩინათ სპარსეთის ყურეში, ჰორმუზის სრუტესა და ომანის ყურეში - გლობალური ნავთობის ვაჭრობის სამ მთავარ წყალსავალ გზაზე - „რეგიონში მზარდი დაძაბულობის გამო, რამაც შეიძლება სამხედრო აქტივობის ესკალაცია გამოიწვიოს“.
ისრაელის ოფიციალურმა პირებმა და თეთრი სახლის წარმომადგენლებმა კომენტარის გაკეთებაზე უარი თქვეს.
ისრაელის პრემიერ-მინისტრი ბენიამინ ნეთანიაჰუ სკეპტიკურადაა განწყობილი ირანთან ნებისმიერი შეთანხმების მიმართ. ისრაელი და ირანი ერთმანეთს 1979 წლის ირანის რევოლუციის შემდეგ მტრობენ. ნეთანიაჰუს ოფისი აცხადებს, რომ ისრაელმა „უთვალავი ღია და ფარული ოპერაცია“ ჩაატარა ირანის მზარდი ბირთვული პროგრამის შესაჩერებლად.
გასულ თვეში ბატონმა ტრამპმა საჯაროდ განაცხადა, რომ მან მოუწოდა ნეთანიაჰუს, არ დაესხა თავს ირანს, სანამ მისი ადმინისტრაცია რეჟიმთან მოლაპარაკებებს აწარმოებდა.
„მე ვუთხარი, რომ ამ დროს ამის გაკეთება მიზანშეწონილი არ იქნებოდა, რადგან ჩვენ ძალიან ახლოს ვართ გადაწყვეტასთან“, - თქვა ბატონმა ტრამპმა.
ირანის ბირთვული პროგრამა ათწლეულების ისტორიას ითვლის, თუმცა ქვეყანა დიდი ხანია ამტკიცებს, რომ ის მხოლოდ მშვიდობიანი მიზნებისთვისაა.
საერთაშორისო ატომური ენერგიის სააგენტო ახლახან გამოქვეყნებული შეფასებით, ირანმა 408.6 კილოგრამი ურანი 60%-იან სისუფთავემდე გაამდიდრა, რაც ძალიან ახლოსაა ბირთვული იარაღის შესაქმნელად საჭირო 90%-იან გამდიდრების დონესთან. ეს მნიშვნელოვანი ზრდა იყო გაეროს სააგენტოს მიერ თებერვალში შეფასებულ 274.8 კილოგრამ მარაგთან შედარებით.
ოთხშაბათს, თავდაცვის მინისტრმა პიტ ჰეგსეთმა განაცხადა: „არსებობს მრავალი მინიშნება იმისა, რომ ისინი მოძრაობენ ისეთი რამისკენ, რაც ძალიან ჰგავს ბირთვულს“.
