შეერთებული შტატები და ერაყი გეგმავენ, მალე დაიწყონ ოფიციალური მოლაპარაკებები აშშ-ის ხელმძღვანელობით სამხედრო კოალიციის მისიის დასასრულებლად, რომელიც ერაყში ტერორისტული ჯგუფის "ისლამური სახელმწიფოს" (ISIS) წინააღმდეგ საბრძოლველად შეიქმნა. ამის შესახებ შეერთებული შტატების თავდაცვის მდივანმა ლოიდ ოსტინმა განაცხადა, – იუწყება Politico.
როგორც იუწყებიან, აშშ-ერაყის უმაღლესი სამხედრო კომისიის სამუშაო ჯგუფი შეიკრიბება უახლოეს დღეებში, რითაც დაიწყება აშშ-ის ჯარების გაყვანის პროცესი, რომელზედაც ორივე ქვეყანა შეთანხმდა გასულ ზაფხულს ვაშინგტონში მოლაპარაკებების დროს.
შეხვედრები მიზნად ისახავს ვაშინგტონსა და ბაღდადს შორის "მტკიცე ორმხრივი უსაფრთხოების პარტნიორობისკენ" გადასვლის უზრუნველყოფას,– ნათქვამია ოსტინის განცხადებაში.
სამუშაო ჯგუფებში სამხედრო და თავდაცვის ექსპერტები ყურადღებას გაამახვილებენ გარდამავალ განრიგზე, ISIS-ის მიერ წარმოქმნილი საფრთხის, ოპერატიული და გარემოსდაცვითი მოთხოვნების და ერაყის უსაფრთხოების ძალების შესაძლებლობების დონის გათვალისწინებით,– თქვა პენტაგონის ხელმძღვანელმა.
განხილვის შემდეგ სამუშაო ჯგუფი კოალიციას რეკომენდაციებს მიაწვდის "მისიის ყველაზე ეფექტურ ევოლუციაზე, რაც უზრუნველყოფს, რომ ISIS-ის ხელახლა არასდროს აღორძინდეს“, - თქვა ოსტინმა.
მანამდე მედიაში გავრცელდა ინფორმაცია, რომ შეერთებული შტატები და ერაყი აპირებენ მოლაპარაკებების დაწყებას ახლო აღმოსავლეთის ამ ქვეყნიდან საერთაშორისო კოალიციის კონტინგენტის გაყვანისა და მისი ორმხრივი ურთიერთობებით ჩანაცვლებაზე.
