უკრაინაში ომი ბევრად უფრო მოაკვდინებელი გახდა, ვიდრე პირველ ორ წელს იყო. რუსეთის თავდასხმის შემდეგ საბრძოლო ოპერაციებში დომინირებდა არტილერია, რაკეტები, ტანკები და პოზიციური ომი, რაც ხშირად მოგაგონებდათ პირველ მსოფლიო ომს. დღეს, მეთაურთა თქმით, ჯარისკაცთა მწყობრიდან გამოყვანა უმეტეს შემთხვევაში დრონებით ხდება. მათ წილად დაღუპულთა და დაშავებულთა 70% მოდის, - წერს „ნიუ-იორკ ტაიმსი“.
დრონებმა ფუნდამენტური ცვლილებები შეიტანეს ომის მსვლელობაში. უკრაინის პარლამენტის თავდაცვისა და დაზვერვის კომიტეტის თავმჯდომარის, რომან კოსტენკოს თქმით, დრონები და არა მძიმე არტილერიაა პასუხისმგებელია რუსეთისა და უკრაინის ყველა მსხვერპლის დაახლოებით 70, ზოგიერთ ბრძოლაში კი დაღუპულთა და დაშავებულთა 80%-ზეც.
დასავლეთმა რუსეთის შეკავების იმედით მილიარდობით დოლარის ჩვეულებრივი იარაღი შეიტანა უკრაინაში. მიუხედავად ამისა, მადა დაუოკებელი ბრძოლის ველი კვლავ მოითხოვს საბრძოლო იარაღს და ნატოს ქვეყნებს რეზერვების ამოწურვის საშიშროების წინაშე აყენებს.
ომი გახდა რბოლა დასავლეთსა და რუსეთს შორის იმის დასანახად, თუ ვის შეუძლია გამოიყენოს უფრო მეტი ისეთი ჩვეულებრივი იარაღი, როგორიცაა ჭურვები და ტანკები. ამასთან, ახლა შეიარაღებაში ჩვეულებრივ იარაღზე ხშირად გამოიყენება და მოწინავე პოზიციები უკავიათ დრონებს, რომლებიც მიმდინარე ომის ყველა მომაკვდინებელ იარაღად იქცნენ.
უკრაინის და დასავლეთის შეფასებით, ომში მილიონზე მეტი ჯარისკაცი დაიღუპა და დაიჭრა. უკრაინელი მეთაურები და ოფიციალური პირების თქმით, დრონები უკრაინაში უფრო მეტ ჯარისკაცს კლავენ და უფრო მეტ ჯავშანმანქანას ანადგურებენ, ვიდრე ყველა ტრადიციული იარაღი ერთად, მათ შორის სნაიპერული შაშხანები, ტანკები, ჰაუბიცები და ნაღმმტყორცნელები.
„თქვენ შეგიძლიათ დაემალოთ არტილერიას, მაგრამ დრონი ეს სულ სხვა კოშმარია“, - ამბობს ეროვნული პოლიციის ბრიგადის მეთაურის მოადგილე ბოგდანი.
ომის განვითარებას შეიძლება სერიოზული გეოპოლიტიკური შედეგები მოჰყვეს.
იმის გამო, რომ უკრაინასა და ტრამპის ადმინისტრაციას შორის დაძაბულობა საფრთხეს უქმნის მომავალ სამხედრო დახმარებას, მცირდება ჩვეულებრივი იარაღის მნიშვნელობა, რომელიც ამერიკელებმა უკრაინას მილიარდობით დოლარის მიაწოდეს.
31 მაღალტექნოლოგიური „აბრამსის“ ტიპის ტანკიდან, რომელიც შეერთებულმა შტატებმა უკრაინას 2023 წელს გადასცა, 19 განადგურდა ან რუსებმა იგდეს ხელთ, თითქმის ყველა დანარჩენი კი გაყვანილია ფრონტის ხაზიდან.
„აბრამსების“ უმეტესი ნაწილი მწყობრიდან გამოიყვანეს დრონებმა, რომელთა წარმოებაც ბევრად იაფი და მარტივია, წარმოების მასშტაბები კი გასაოცარი. ორივე ქვეყანა აცხადებს, რომ ისინი ჯერ კიდევ აძლიერებენ წარმოებას და თითოეული მიზნად ისახავს 2025 წლისთვის სამიდან ოთხ მილიონამდე დრონის წარმოებას.
