საფრანგეთის პრეზიდენტი ევროპელებს აფრთხილებს, რომ „არ იქცნენ აშშ-ის ბედნიერ ვასალებად“. ამის შესახებ ემანუელ მაკრონმა პორტუგალიაში ვიზიტისას განაცხადა.
საფრანგეთის პრეზიდენტმა კიდევ ერთხელ მოუწოდა ევროპელებს, „კვლავ აღმოაჩინონ რისკის, ამბიციისა და ძალაუფლების გემო“.
„მე ვხედავ ბევრ ადამიანს ჩვენს ევროპაში, რომლებიც ამბობენ, – ჩვენ უნდა ვიყოთ კეთილგანწყობილი ამერიკელების მიმართ, ეს გაივლის, ჩვენ უნდა დავემორჩილოთ, მაგრამ პასუხი არ არის მორჩილება და მე არ ვარ ვასალიზაციის მომხრე“, – თქვა მაკრონმა.
საფრანგეთის ლიდერის თქმით, ევროპა უნდა დარწმუნდეს ერთ რამეში, რომ მათ ყველაზე მეტად სჭირდებათ ერთიანობა და სიძლიერე და ამისთვის მათ უნდა გააკეთონ ღრმა არჩევანი ტექნოლოგიის, მრეწველობის და თავდაცვის თვალსაზრისით.
მაკრონმა დადებითად შეაფასა აშშ-სა და უკრაინას შორის იშვიათ მინერალებზე მიღწეული შეთანხმება, ასევე, გაიხსენა ტრამპთან უკრაინის შესახებ საუბარი.
„მე ვცდილობდი, ამეხსნა უკრაინის მნიშვნელობა და მისი ეგზისტენციალური ბრძოლა სუვერენიტეტისა და ევროპის უსაფრთხოებისთვის“, – განაცხადა მაკრონმა.
თარგმანი საქართველოს საზოგადოებრივი მაუწყებელი.
