პოლონეთის პრემიერმინისტრს, დონალდ ტუსკს პოლონეთის პარლამენტმა ნდობა გამოუცხადა.
ტუსკმა მისი მთავრობისადმი ნდობის შესახებ კენჭისყრა მას შემდეგ ჩანიშნა, რაც მისი პარტიის, სამოქალაქო პლატფორმის ლიდერმა და ვარშავის მერმა პოლონეთის საპრეზიდენტო არჩევნების მეორე ტურში დამოუკიდებელ კანდიდატთან, კაროლ ნავროცკისთან წააგო.
POLITICO-ს ცნობით, ტუსკმა საპარლამენტო კენჭისყრა 243 ხმით, 210-ის წინააღმდეგ მოიგო.
პოლონეთის პრემიერმინისტრმა 3 ივნისს განაცხადა, რომ 11 ივნისს პარლამენტი მისი მთავრობისადმი ნდობის შესახებ კენჭისყრას გამართავდა, ვინაიდან ქვეყანა "ახალი პოლიტიკური რეალობის წინაშე" იდგა.
