აშშ-ის ფედერალურმა მოსამართლემ დაადგინა, რომ აშშ-ის ყოფილი პრეზიდენტი დონალდ ტრამპი პასუხისმგებელია ცილისმწამებლურ კომენტარებზე, რომლებიც მან 2019 წელს მწერალ ელიზაბეთ ჯინ კეროლის მისამართით გააკეთა.
მოსამართლის გადაწყვეტილებით, სასჯელის სახით დონალდ ტრამპს ელიზაბეთ ჯინ კეროლისთვის ზიანის ანაზღაურება დაეკისრა.
ცილისწამებასთან დაკავშირებული შემდეგი სასამართლო პროცესი 2024 წლის 15 იანვარს არის ჩანიშნული, რომელიც მხოლოდ იმაზე იქნება ორიენტირებული, თუ რა ოდენობის თანხა უნდა გადაუხადოს დონალდ ტრამპმა ელიზაბეთ ჯინ კეროლს.
მწერალმა ელიზაბეთ ჯინ კეროლმა დონალდ ტრამპი 1996 წელს მანჰეტენის ერთ-ერთი მაღაზიის გასახდელ ოთახში მასზე სექსუალურად ძალადობაში დაადანაშაულა. კეროლმა პირველად სექსუალური ძალადობის შესახებ New York Magazine-ის სტატიაში 2019 წელს განაცხადა, თუმცა დონალდ ტრამპმა ბრალდებები უარყო და აღნიშნა, რომ მწერალმა ეს ამბავი თავისი წიგნის გასაყიდად მოიგონა.
ამის შემდეგ ელიზაბეთ ჯინ კეროლმა ტრამპის წინააღმდეგ ცილისწამების ბრალდებით სარჩელიც შეიტანა, სადაც ის ამტკიცებდა, რომ ამერიკის ყოფილმა პრეზიდენტმა შელახა მისი რეპუტაცია და მიაყენა ემოციური ზიანი.
მანამდე დონალდ ტრამპი სასამართლომ მწერალ ელიზაბეთ ჯინ კეროლის სექსუალური შევიწროებისა და ცილისწამებისთვის დამნაშავედ ცნო, გაუპატიურ
