CNN-ის ინფორმაციით, აშშ-ის პრეზიდენტი ჯო ბაიდენი და მისი გუნდი NATO-ს სხვა წევრებთან ერთად განიხილავენ თუ როგორ და როდის შეიძლება უკრაინა ალიანსს შეუერთდეს.
CNN-ის ცნობით, ბაიდენი და მისი ადმინისტრაციის წევრები ერთგულები არიან ალიანსის ამჟამინდელი პოზიციის მიმართ, რომ უკრაინა საბოლოოდ შეუერთდეს NATO-ს.
CNN -ის ინფორმაციით, უკრაინის NATO-ში გაწევრიანების საკითხი ერთ-ერთია იმ რამდენიმე საკითხიდან, რომელსაც ლიდერები ივლისის შუა რიცხვებში ლიეტუვის დედაქალაქ ვილნიუსში გამართულ შეხვედრაზე განიხილავენ. ასევე განიხილება ახალი თავდაცვის ხარჯები.
"თუმცა, სწორედ უკრაინის წევრობის საკითხი გახდება ერთ-ერთი ცხელი წერტილი ჯგუფისთვის, რომელმაც მოახერხა გასაკვირი ერთიანობის შენარჩუნება რუსეთის უკრაინაში არაპროვოცირებული შემოჭრის ფონზე."- წერს CNN.
CNN წერს, რომ ზოგიერთი მოკავშირე, განსაკუთრებით აღმოსავლეთ ევროპაში, მხარს უჭერს კიევის NATO-ში გაწევრიანების უფრო კონკრეტული გზის დასახვას ომის დასრულების შემდეგ.
