ჩვენ, პოლონელებმა, რომლებიც საშინლად განვიცდით 2010 წელს პოლონეთის სამთავრობო თვითმფრინავის ჩამოვარდნას, ვიცით შოკისა და სიცარიელის გრძნობა, რომელიც რჩება ხალხის გულებში, – ამის შესახებ პოლონეთის პრეზიდენტი, ანჯეი დუდა სოციალურ ქსელში წერს.
„ღრმად შეძრწუნებული ვარ ირანის პრეზიდენტის, ბატონი იბრაჰიმ რაისის, სამთავრობო დელეგაციასთან ერთად, ავიაკატასტროფაში დაღუპვის გამო. რამდენიმე ერს აქვს ასეთი ტრაგიკული გვერდები ისტორიაში. ჩვენ, პოლონელებმა, რომლებიც საშინლად განვიცდით 2010 წელს პოლონეთის სამთავრობო თვითმფრინავის ჩამოვარდნას სმოლენსკში, რუსეთში, ვიცით შოკისა და სიცარიელის გრძნობა, რომელიც რჩება ხალხის გულებში, ქვეყანაში პოლიტიკური და სოციალური ელიტის უეცარი დაკარგვის შემდეგ, საყვარელი ადამიანების, მეგობრების უეცარი დაკარგვის შემდეგ. ამიტომ განსაკუთრებული გაგებით ვუერთდებით დაღუპულთა ახლობლებს, ირანელ ერს ლოცვასა და მწუხარებაში“, – წერს ანჯეი დუდა.
