პირველად ისტორიაში, ქართველი მოჭიდავე ქალი მსოფლიო ჩემპიონატის მედალოსანია

ქართველმა მოჭიდავემ, ნინო სამხარაძემ, რომელიც ბაქოში მიმდინარე ჭიდაობაში მსოფლიო ჩემპიონატზე 69 კგ წონაში ასპარეზობდა, ბრინჯაოს მედლისღვის შეხვედრაში ყირგიზი მილანა ულანოვა 2:1 დაამარცხა და ისტორიაში პირველი მსოფლიო ჩემპიონატის მედალოსანი მოჭიდავე ქართველი ქალი გახდა.

1/8 ფინალი ნინო სამხარაძე - ხუშლინ კაურ ჯჰალი (კანადა) 9:0
1/4 ფინალი ნინო სამხარაძე - კიმეთ რუმეისა თეზკანი (თურქეთი) 0:12
რეპეშაჟი ნინო სამხარაძე - კამილა რუძიანკოვა (ბელარუსი) 4:0
მე-3-მე-5 ადგილისთვის ნინო სამხარაძე - მილანა ულანოვა (ყირგიზეთი) 2:1

აგრეთვე აღსანიშნავია, რომ ნინო სამხარაძის მიერ მოპოვებული ბრინჯაოს მედალი პირველი მედალია, რომელიც ქართველმა მოჭიდავეებმა ბაქოში მიმდინარე 17 წლამდე ასაკის მსოფლიო ჩემპიონატზე მოიპოვეს. ბერძნულ-რომაული სტილით მოჭიდავეები ბაქოში უმედლოდ დარჩნენ, თავისუფალი სტილის 48-55-65-80-110 წონითი კატეგორიებიდან კი მედლისთვის ჭიდაობას ერთადერთი ქართველი მოჭიდავე მურთაზ ბაღდავაძე შემორჩა. ხვალ იგი ბრინჯაოს მედლისთვის იჭიდავებს.  ხვალვე ასპარეზობაში ჩაებმებიან 48-51-60-71-92 კგ წონითი კატეგორიების მოჭიდავეები.