ოთარ კიტეიშვილის „შტურმმა" და ბუდუ ზივზივაძის „კარლსრუემ" გაიმარჯვეს, გიორგი წიტაიშვილის „გრანადამ" ფრედ ითამაშა (ვიდეო)

ავსტრიის ბუნდესლიგის მეთოთხმეტე ტურში „შტურმმა" 7:0 სძლია „კლაგენფურტს" და მეორე ადგილზე მყოფ რაპირთან უპირატესობა ხუთ ქულამდე გაზარდა. 

ოთარ კიტეიშვილი მინდორზე 62-ე წუთამდე იყო. მან ერთი საგოლე გადაცემა შეასრულა და მატჩის ერთ-ერთი საუკეთესო მოთამაშე იყო. Flashscore-მ მისი თამაში 8,1-ით შეაფასა.



ესპანეთის სეგუნდა დივიზიონში გიორგი წიტაიშვილის „გრანადამ" სახლში „კადისთან" 0:0 ითამაშა. 

გიორგი წიტაიშვილი მინდორზე 65-ე წუთზე შევიდა. მისი თამაში Flashscore-მ 7,1-ით შეაფასა.



გერმანიის ბუნდესლიგა 2-ში გასვლაზე მნიშვნელოვანი გამარჯვება მოიპოვა ბუდუ ზივივაძის „კარლსრუემ". 

შეხვედრაში „გროიტერ ფიურტი" დაწინაურდა. მეორე ტაიმის პირველივე წუთზე ზივზივაზემ ანგარიში გაათანაბრა, 73'ე წუთზე კი მისი გადაცემის შემდეგ „კარლსრუ" დაწინაურდა და საბოლოოდ შეხვედრა ანგარიშით 3:2 მოიგო.

ბუდუ ზივზივაძის თამაში Flashscore-მ 7,8-ით შეაფასა.  მას ჩემპიონატში 9 გოლი აქვს გატანილი და ისაკ ლიდერებთან („დარმშტადტი") ერთად უდგას სათავეში ბომბარდირთა სიას.