სერბეთის დედაქალაქ ბელგრადში უეფა-ს 49-ე კონგრესი გაიმართა, რომელშიც საქართველოს ფეხბურის ფედერაციის ხელმძღვანელები მონაწილეობდნენ.
საქართველოს ფეხბურთის ფედერაციის ცნობით, ევროპული ფეხბურთის მმართველი ორგანიზაციის წევრებმა მნიშვნელოვან საკითხებზე იმსჯელეს. კონგრესის დასასრულს გაიმართა უეფა-ს აღმასრულებელი კომიტეტისა და ფიფა-ს საბჭორს წევრების არჩევნები.
კონგრესს საქართველოს ფეხბურთის ფედერაციის პრეზიდენტი ლევან კობიაშვილი, სფფ-ის გენერალური მდივანი დავით მუჯირი, პირველი ვიცე-პრეზიდენტი კახა ჭუმბურიძე და ტექნიკური დირექეტორი ზაზა ზამთარაძე ესწრებოდნენ.
კონგრესამდე, 2 აპრილს, სერბეთის დედაქალაქში უეფა-ს აღმასრულებელი კომიტეტის შეხვედრა გაიმართა, რომელშიც მონაწილეობა მიიღო სფფ-ის პრეზიდენტმა და უეფა-ს აღმასრულებელი კომიტეტის წევრმა ლევან კობიაშვილმა.
