თბილისის საკრებულოში ირინა აბესაძის წიგნის ,,საქართველოს მხატვართა კავშირის შექმნის სათავეებთან’’ პრეზენტაცია გაიმართა. წიგნი საქართველოს მხატვართა კავშირის დაარსების 105-ე წლისთავს ეძღვნება. თამარ მეფის სახელობის დარბაზში წიგნის პრეზენტაციის პარალელურად
თანამედროვე ქართველი მხატვრების ფერწერული ნამუშევრების გამოფენაც მოეწყო.
წიგნი ,,საქართველოს მხატვართა კავშირის შექმნის სათავეებთან’’ თბილისის მერიის დაფინანსებითა და დედაქალაქის საკრებულოს მხარდაჭერით გამოიცა.
პრეზენტაცია თბილისის საკრებულოს თავმჯდომარის მოადგილემ თინათინ ნიბლოშვილმა გახსნა და დამსწრე საზოგადოებას სიტყვით მიმართა.
„მოხარული ვარ , რომ საკრებულოს სივრცე ასეთ მნიშვნელოვან და საინტერესო ღონისძიებას დაეთმო. მინდა მივულოცო წიგნის ავტორს და ჩვენი მხარდაჭერა გამოვხატო საქართველოს მხატვართა კავშირის მიმართ.“
ღონისძიებას დედაქალაქის
საკრებულოს წევრები, საქართველოს მხატვართა კავშირის თავმჯდომარე გურამ ცერცვაძე, სახელოვნებო სფეროს წარმომადგენლები და მოწვეული სტუმრები ესწრებოდნენ.
