საერთაშორისო რესპუბლიკური ინსტიტუტი საქართველოში 26 ოქტომბრის საპარლამენტო არჩევნების საერთაშორისო სადამკვირვებლო მისიის დაწყების შესახებ აცხადებს.
საარჩევნო და პოლიტიკურ აქტორებთან, ასევე საერთაშორისო საზოგადოებასთან ხანგრძლივი ურთიერთობის გათვალისწინებით, IRI-ის 20 გრძელვადიანი დამკვირვებელი, არჩევნებამდე რამდენიმე თვით ადრე, დაფარავს საარჩევნო ოლქებს მთელი ქვეყნის მასშტაბით. საარჩევნო პროცესებში ჩართული ყველა მხარე ღიაა ქვეყანაში საერთაშორისო სადამკვირვებლო მისიის ყოფნისთვის.
„დამკვირვებლები თავიანთ საქმიანობას შეუდგებიან საარჩევნო კამპანიის დაწყებამდე” - განაცხადა სტივენ ნიქსმა, IRI-ის ევრაზიის დივიზიის დირექტორმა. „ეს მისიას საშუალებას მისცემს უკეთ გაიგოს ამ არჩევნების კონტექსტი, ხოლო პოლიტიკურ და საარჩევნო პროცესებში ჩართულ მხარეებთან ერთობლივი ძალისხმევით, მხარი დაუჭიროს ინკლუზიურ და გამჭვირვალე საარჩევნო პროცესს“ - თქვა ნიქსმა ეს არჩევნები გადამწყვეტი მომენტი იქნება ქართული დემოკრატიისთვის! გამჭვირვალე და სანდო საარჩევნო პროცესის საჭიროება, რომელიც მოქალაქეებს მრავალფეროვან არჩევანს მისცემს, წარმოადგენს ევროკავშირის მიერ საქართველოსთვის გაცემულ 9 დათქმიდან ერთ-ერთს, რომელიც ქვეყანამ 2023 წლის ბოლოს, ევროკავშირის კანდიდატი ქვეყნის სტატუსის მინიჭების შემდეგ მიიღო. “საქართველოს მთავრობას შესაძლებლობა აქვს საარჩევნო გამჭვირვალობას პრიორიტეტი მიანიჭოს და უზრუნველყოს რომ საქართველოში სანდო, ყველანაირი ზეწოლისა და ფიზიკური დაბრკოლებებისგან თავისუფალი არჩევნები ჩაატაროს. ამ ყველაფრის გათვალისწინებით, ეს არჩევნები იქნება ტესტი საქართველოს დემოკრატიული გზისთვის” განაცხადა ნიქსმა.
www.iri.org A nonprofit organization dedicated to advancing democracy worldwide IRI-ის სადამკვირვებლო მისია საერთაშორისო დაკვირვების პრინციპების შესახებ დეკლარაციისა და საერთაშორისო დამკვირვებლების ქცევის კოდექსის შესაბამისად წარმართავს. დაკვირვების შედეგად გაცემული რეკომენდაციები და მიგნებები დაეყრდნობა საქართველოს კანონმდებლობას, საერთაშორისო სტანდარტებს და იმ ვალდებულებებს, რომლებსაც პოლიტიკური პარტიები ქცევის კოდექსის ფარგლებში აღიარებენ. IRI საქართველოში საერთაშორისო რესპუბლიკური ინსტიტუტი 20 წელზე მეტია საქართველოში მხარს უჭერს პოლიტიკური, საარჩევნო და სამოქალაქო მიმართულებების აქტივობებს, რომლებიც მიზნად ისახავს პოლიტიკური პარტიების მხარდაჭერას შინაარსზე დაფუძნებული პლატფორმისა და გზავნილების შემუშავებაში, მოწყვლადი ჯგუფების პოლიტიკური გადაწყვეტილების მიღების პროცესში ჩართვის ხელშეწყობას, მეთოდოლოგიურად გამართულ და ხარისხიან კვლევებზე ხელმისაწვდომობის გაზრდას და მოქალაქეზე ორიენტირებული მმართველობის პროცესის წახალისებას.
