უკრაინის ხელისუფლების მდაბიო და პატარა წარმომადგენლებმა, მდაბიო და პატარა გადაწყვეტილება მიიღეს - ამის შესახებ პროდიუსერ ბაკურ ბაკურაძე სოციალურ ქსელში წერს, რითაც ეხმაურება "საბავშვო ევროვიზიის" გუშინდელ შედეგებს.
უკრაინის ხელისუფლების მდაბიო და პატარა წარმომადგენლებმა, მდაბიო და პატარა გადაწყვეტილება მიიღეს - საბავშვო კონკურსზე (!) ბავშვებს უთხრეს ტყუილი, რომ უკრაინელებში, ამხელა ერში არ აღმოჩნდა არც ერთი მადლიერი, რომ ქართველი ბავშვებისათვის მიეცა თუნდაც ერთი ხმა.
ეს 0 ქულა დაწერა უკრაინის ხელისუფლებამ და ამით კიდევ ერთხელ მიაყენა შეურაცხყოფა საკუთარ მოსახლეობას, უკრაინელ ხალხს, რომელიც გამოიყვანა უმადური, უზრდელი, უგუნური და ისეთი არარაობა, რომ დაივიწყა მრავალწლიანი მეგობრობა, ძმობა და ბავშვებს ტაში არ დაუკრა ობიექტურად კარგ შესრულებაზე.
ესაა მთელი ამ ისტორიის ანი და ჰოე.
Nikoloz Kharati თქვენ ოქროები ხართ და ძალიან მაგრები❤️
საბავშვო ევროვიზია 2023-ის გამარჯვებული 228 ქულით საფრანგეთის წარმომადგენელი Zoé Clauzure გახდა.
