წყალტუბოში, თეიმურაზ კობახიძის სახელობის სამუსიკო სკოლაში, მე-8 ეროვნული სამუსიკო და სახელოვნებო კონკურს-ფესტივალის გამარჯვებულთა დაჯილდოების ცერემონია და გალა კონცერტი გაიმართა.
კონკურს-ფესტივალი თბილისის ხელოვნების აკადემიის რექტორისა და საქართველოს უნივერსიტეტის დირექტორის, ეროვნული და საერთაშორისო კონკურსების დამფუძნებლის, მუსიკის დოქტორის, პიანისტის ვალერიან შიუკაშვილის ხელმძღვანელობითა და ა(ა)იპ „ბავშვთა და ახალგაზრდობის ცენტრის” მხარდაჭერით ჩატარდა. ეროვნულ კონკურს-ფესტივალში საქართველოს 22 მუნიციპალიტეტიდან 100-მდე მოსწავლე იღებდა მონაწილეობას. ღონისძიებას საქართველოს პრეზიდენტის მეუღლე თამარ ბაგრატიონი, წყალტუბოს მუნიციპალიტეტის მერის მოადგილე გია კვასტიანი, საკრებულოს თავმჯდომარის მოადგილე სერგო კირკიტაძე, ადგილობრივი თვითმმართველობის წარმომადგენლები და მოწვეული სტუმრები ესწრებოდნენ. ი.ს ბახის სახელობის ეროვნულ კონკურს-ფესტივალი წყალტუბოში მეორედ გაიმართა, გამარჯვებულები დიპლომებითა და სიმბოლური საჩუქრებით დაჯილდოვდნენ.
