„ნაციონალურმა მოძრაობამ“ მიიღო გადაწყვეტილება პოლიტიკური საბჭოს გაფართოების შესახებ და მე კონკრეტული ინიციატივით დღეს, 16:00 საათზე პარტიის პოლიტსაბჭოს მივმართავ, რაც გულისხმობს „ნაციონალური მოძრაობის“ პოლიტსაბჭოს გაფართოებას პრეზიდენტ სააკაშვილის, გამარჯვების კოალიციის ლიდერის ინიციატივის შესაბამისად, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა დღევანდელ ბრიფინგზე განაცხადა.
მისი თქმით, ყველა, ვინც იყო „ნაციონალური მოძრაობის“ პოლიტიკურ საბჭოში და შეუერთდება პრეზიდენტ სააკაშვილის მანიფესტს, იქნება გადაწყვეტილება მიღებული, ეს ადამიანები იყვნენ „ნაციონალური მოძრაობის“ პოლიტსაბჭოში.
„დღეს, მას შემდეგ, რაც პოლიტიკური საბჭო მიიღებს კონკრეტულ გადაწყვეტილებებს, ექნება ინფორმაციები ამ ადამიანების შესახებ, ვინც უერთდება მანიფესტს და შესაბამისად, იქნება „ნაციონალური მოძრაობის“ პოლიტიკური საბჭოს წევრი. კიდევ ერთხელ მინდა, შევთავაზო ყოფილი პოლიტიკური საბჭოს წევრებს, ყველა ის ადამიანი, ვინც იყო „ნაციონალური მოძრაობის“ პოლიტიკურ საბჭოში და შეუერთდება პრეზიდენტ სააკაშვილის მანიფესტს, სადაც ცალსახად წერია ერთობის და და ბიძინა ივანიშვილის წინააღმდეგ ბრძოლის მნიშვნელობაზე, მივიღებთ გადაწყვეტილებას, ეს ადამიანები იყვნენ „ნაციონალური მოძრაობის“ პოლიტსაბჭოში და წარმოადგინონ „ნაციონალური მოძრაობა“. ამიტომ, მხოლოდ და მხოლოდ ერთადერთი რამ არის საჭირო, გაიზიარონ პრეზიდენტ სააკაშვილის მანიფესტს და შესაბამისად, ყველა ის ადამიანი, ვინც იყო „ნაციონალური მოძრაობის“ პოლიტიკურ საბჭოში და გაიზიარებს ერთობის მანიფესტს, „ნაციონალური მოძრაობა“ მზად არის, გააფართოოს კიდევ უფრო პოლიტიკური საბჭო. კონკრეტული ადამიანები პრეზიდენტ სააკაშვილის ინიციატივით დაემატებიან პოლიტიკურ საბჭოს. მე მაქვს მათი მხარდაჭერის იმედი“, – განაცხადა ხაბეიშვილმა.
