„მიუხედავად იმისა, რომ ჩვენმა ხელისუფლებამ შეასრულოს 12-ვე პუნქტი და შეასრულებს, რა თქმა უნდა, ყოველგვარი პრობლემების გარეშე, მე არც იმას გამოვრიცხავ დღევანდელი გადმოსახედიდან, რომ შეიძლება არც მოგვცენ სტატუსი, რადგან ამას იყენებენ პოლიტიკურად, ისევ საქართველოს ხელისუფლების წინააღმდეგ." - ამის შესახებ თბილისის მერმა კახა კალაძემ გადაცემაში "იმედი LIVE" განაცხადა.
"ხომ ვისმენთ განცხადებებს ომის დაწყებასთან და მეორე ფრონტის გახსნასთან დაკავშირებით? მგონი ყველა ყველაფერს ხვდება, დასამალი არაფერია, მაგრამ საქართველოს ხელისუფლებისთვის მთავარი და უმნიშვნელოვანესი არის ჩვენი ქვეყანა და აქ მცხოვრები ადამიანები, მშვიდობა, რაც პრინციპულად მნიშვნელოვანია ჩვენი ქვეყნის მომავლისთვის, განვითარებისა და წინსვლისთვის. ერთ-ერთი პრიორიტეტია საქართველოს ტერიტორიების დაბრუნება, მაგრამ ეს უნდა მოვახერხოთ ძლიერი ეკონომიკით, გონიერებით, განათლებითა და წინსვლით“, - განაცხადა კახა კალაძემ.
