"ჩვენ გვაქვს რამდენიმე ათეული შემთხვევის დადასტურებული ფაქტი, როდესაც კლასტერში შემავალმა ოპოზიციურმა პარტიებმა პირდაპირი მნიშვნელობით, ან ხმები მოჰპარეს ამომრჩეველს, ან სცადეს რომ მოეპარათ", - ამის შესახებ ფრაქცია "ქართული ოცნების" თავმჯდომარის პირველმა მოადგილემ, არჩილ გორდულაძემ განაცხადა.
მისი თქმით, მმართველი გუნდი გუნდი პროკურატურას დღეს დამატებით წარუდგენს სავარაუდო დანაშაულის შესახებ ფაქტებს.
"მათ ხელი შეუშალეს [ამომრჩევლებს] თავიანთი ნება განეხორციელებინათ არჩევნებში, რაც პირდაპირი მნიშვნელობით, შეიცავს სისხლის სამართლის 162-ე მუხლით გათვალისწინებული დანაშაულის ნიშნებს. ჩვენ აუცილებლად მივაწვდით ინფორმაციას, დღესვე შევა დამატებითი საჩივარი პროკურატურაში", - განაცხადა არჩილ გორდულაძემ.
