ზელენსკიმ უკრაინის გენერალური პროკურორის მოვალეობის შემსრულებელი დანიშნა

ყოფილი გენერალური პროკურორი რუსლან კრავჩენკო გადადგა 8 სექტემბერს, მას შემდეგ, რაც მის ოფისში ჩხრეკები ჩაატარეს უკრაინის ეროვნულმა ანტიკორუფციულმა ბიურომ (НАБУ) და სპეციალიზებულმა ანტიკორუფციულმა პროკურატურამ (САП). გამოძიების ვერსიით, გენპროკურატურის ერთ-ერთმა თანამშრომელმა შექმნა და ჩაუდგა სათავეში დანაშაულებრივ ორგანიზაციას, რომელიც მონაწილეობდა თაღლითური ქოლ-ცენტრების მფარველობასა და ქონების ლეგალიზებაში. НАБУ-მ ხუთი მონაწილის მხილების შესახებ განაცხადა, თავად კრავჩენკოსთვის ბრალდება არ წაუყენებიათ.

გადადგომის შესახებ განცხადების შემდეგ, კრავჩენკომ ქვეყანა დატოვა და ეჭვმიტანილად გამოაცხადა НАБУ-ს ხელმძღვანელი სემიონ კრივონოსი, რომელსაც უკანონო სარგებლის მიღების მიზნით, ოფიციალური დოკუმენტების გაყალბება დასდო ბრალად. გენპროკურორის კიდევ ერთი ბრალდება ეხებოდა პირს, რომელიც САП-ის ხელმძღვანელთან იყო დაახლოებული.

უკრაინის პრეზიდენტმა ვოლოდიმირ ზელენსკიმ მკაცრი რეაგირება მოახდინა კრავჩენკოს ბრალდებებზე და მისი დაუყოვნებლივ გადაყენება მოითხოვა.