მე ვიცი, რამდენად მნიშვნელოვანია ევროპული პერსპექტივა საქართველოში ძალიან ბევრი ადამიანისთვის, – ამის შესახებ ევროკომისიის პრეზიდენტმა, ურსულა ფონ დერ ლაიენმა ევროპარლამენტში სიტყვით გამოსვლისას განაცხადა.
მისი თქმით, უკრაინის, დასავლეთ ბალკანეთის ქვეყნებისა და მოლდოვის ადგილი ევროკავირშია, რასაც დარბაზში აპლოდისმენტები მოჰყვა.
„ამ პარლამენტში ხმამაღლა ითქვა, რომ უკრაინის მომავალი ჩვენს კავშირშია, რომ დასავლეთ ბალკანეთის ადგილი ევროკავშირშია, მოლდოვის მომავალი ჩვენს კავშირშია. და მე ვიცი, რამდენად მნიშვნელოვანია ევროპული პერსპექტივა საქართველოში ბევრი ადამიანისთვის“, – განაცხადა ურსულა ფონ დერ ლაიენმა.
