უკრაინის გენერალურმა პროკურორმა რუსლან კრავჩენკომ თანამდებობიდან გადადგომის შესახებ განცხადება წარადგინა. ამის შესახებ მან სოციალურ ქსელში დაწერა.
გადაწყვეტილებას წინ უძღოდა ანტიკორუფციული უწყებების ფართომასშტაბიანი გამოძიება და გენერალური პროკურატურის ოფისში ჩატარებული ჩხრეკები.
კრავჩენკოს განცხადებით, ეს არის მისი ცნობიერი და პოლიტიკური გადაწყვეტილება. როგორც მან აღნიშნა, არ სურს, რომ გენერალური პროკურორის თანამდებობა პოლიტიკური დაპირისპირების იარაღად იყოს გამოყენებული.
გამოძიება ეხება ე.წ. თაღლითური ქოლ-ცენტრების მფარველობის საქმეს, რომელშიც გენპროკურატურის ოფისის თანამშრომლებიც ფიგურირებენ.
აღსანიშნავია, რომ საწყის ეტაპზე კრავჩენკო აცხადებდა, თითქოს ნებაყოფლობით გადადგომას არ გეგმავდა, თუმცა მოგვიანებით მან მაინც მიიღო თანამდებობის დატოვების გადაწყვეტილება. უახლოეს პერიოდში მის განცხადებას უკრაინის პარლამენტი და პრეზიდენტი განიხილავენ.
