კულინარიულ პლატფორმა Taste Atlas-ზე მომხმარებელთა გამოკითხვის შედეგად მსოფლიოს ასი საუკეთესო ძეხვეული გამოვლინდა.
მსოფლიოში საუკეთესო ძეხვეულის რეიტინგში 2025 წლის აგვისტოს ბოლოს მერვე ადგილზე მყოფმა პორტუგალიურმა ალჰეირა დე მირანდელამ პირველ ადგილზე გადინაცვლა, იმ დროს პირველ ადგილზე მყოფი სამხრეთაფრიკული ბურევორსი კი მეთერთმეტე ადგილზე დაქვეითდა.
მეათედან მეორე ადგილზე აინაცვლა პოლონურმა კიოლბასა ვეძონამ, მეხუთიდან მესამეზე კი ესპანურმა ჩისტორამ. მეოთხე ადგილზეა არგენტინული ჩორიზო ა ლა პარილია, მეხუთეზე კი თურქული სუჯუკი. პირველი მათგანი აგვისტოს რეიტინგში მეცხრე ადგილზე იყო, მეორე კი მეოთხეზე.
1. ალჰეირა დე მირანდელა - პორტუგალია
ამ ტრადიციული შებოლილი დელიკატესის შიგთავსი მზადდება ხორცისა და პურის პატარა ნაჭრებისგან. ტრადიციულად, ეს ძეხვი იბოლება ზეთისხილის ან მუხის ნაფოტებზე, რაც მას უნიკალურ გემოს, არომატსა და ფერს ანიჭებს და აძლიერებს სანელებლების არომატს. მირანდელას ძეხვი შეიცავს საქონლისა და ღორის ხორცს, ქონს, ფრინველის ხორცს, ხორბლის პურს, ზეითუნის ზეთს და ღორის ქონს და შეზავებულია მარილით, ნივრით და ტკბილი ან ცხარე პაპრიკით. ეს ძეხვი აუცილებელი ინგრედიენტია ტრადიციულ პორტუგალიურ კერძებში, როგორიცაა აჩორდა, კანელონები და ღვეზელები, მაგრამ ასევე შეიძლება მისი მირთმევა ძირითად კერძად კარტოფილთან ან ბოსტნეულთან ერთად.
2. კიოლბასა ვეძონა - პოლონეთი
კიელბასა ვეძონა ტრადიციული პოლონური შებოლილი ძეხვია. იგი მზადდება ღორის ხორცის ფარშისგანგ, რომელსაც წინასწარ აშრობენ და შემდეგ აზავებენ მარილით, პილპილით, შაქრით, ნივრით და (სურვილისამებრ) მაიორანით (თავშავას მონათე სახეობა). შემდეგ ხორცი თავსდება დიდ რგოლისებრ გარსში და ცივად იბოლება 1-1,5 დღის განმავლობაში, თუმცა დღესდღეობით ხშირად გამოიყენება ცხელი შებოლვა, რადგან ის ძეხვის მომზადებას აადვილებს და აჩქარებს. 
3. ჩისტორა - ესპანეთი
ჩისტორა არის ღორის მუცლის და ლოყების დამარილებული და სწრაფად გამომშრალი ხორცისგან მომზადებული ძეხვი. ზოგჯერ მასში დაკეპილ საქონლის ხორცს ურევენ. ძეხვს ტრადიციულად ნივრით, მარილითა და პაპრიკით აზავებენ, რაც მას დამახასიათებელ წითელ ფერს აძლევს. გავრცელებულია ბასკეთში, ნავარას და არაგონში
4. ჩორიზო ა ლა პარილია - არგენტინა
Taste Atlas-ის მტკიცებით, ნამდვილი არგენტინული ასადო მზადდება ჩორიზოსგან — ახალი ღორის (ან საქონლის ხორცის, ან ორივეს კომბინაციის) ძეხვეულისგან, რომელიც პაპრიკით, პილპილით, თავშავით და ნივრით არის შეზავებული. ძეხვეული წყალში ცოტა ხნით ლბება და შემდეგ იმდენ ხანს იწვება გრილზე, სანამ გარედან ხრაშუნა არ გახდება. ამასთან, მისი მომზადებისას აუცილებელია, რომ ხრაშუნა კანის შიგნით ძეხვი არ გამოშრეს და მაქსიმალურად შეინარჩუნოს სისველე (წვენი). ჩორიზოს, როგორც წესი, ბლომად ჩიმიჩურის საწებელთან ერთად. საუზმის სახით მიირთმევენ.
5. სუჯუკი - თურქეთი
სუჯუკი (სუჩუკი) ნახევრად მშრალი, ცხარე, მაღალცხიმიანი ძეხვია, რომელიც პოპულარულია ახლო აღმოსავლეთის, ბალკანეთის და ცენტრალური აზიის სამზარეულოებში. ის ტრადიციულად მზადდება საქონლის ხორცის ფარშისგან ისეთი სანელებლებით, როგორიცაა ძირა, მარილი, პაპრიკა და ნიორი. ძეხვი მოხმარებამდე მინიმუმ სამი კვირის განმავლობაში უნდა იყოს გამომშრალი.
მისი მირთმევა შესაძლებელია ცივად, თხლად დაჭრილის სახით, მაგრამ უფრო ხშირად შემწვარ და კვერცხთან და ბოსტნეულთან ერთად მიირთმევენ. ლიბანში სუჯუკს ხშირად მიირთმევენ პომიდვრისა და ნივრის სოუსთან ერთად პიტას პურში, ხოლო სირიაში, ეგვიპტეში, ერაყსა და ისრაელში ცომეულში სუჯუკს დებენ და აცხობენ.
6. ნიურბერგული ბრატვურსი - გერმანია
აგვისტოში შედგენილ რეიტინგში ნიურბერგული ბრატვურსი ასევე მე-6 ადგილზე იყო.
7. ძეხვი პლეშკოური - რუმინეთი
8. სალსიჩა - იტალია
სალსიჩა სხვადასხვა სახის ახალმომზადებული იტალიური ძეხვის ზოგადი სახელწოდებაა. ის, როგორც წესი, მზადდება დაკეპილი ან დაბეგვილი ღორის ხორცისგან, ღორის ქონითა და მრავალი სანელებლით. სალსიჩა ივსება ნატურალურ ღორის ან ცხვრის ნაწლავებში და იშვიათად იხარშება ან იწვება.
ის ახალმომზადებული იყიდება და განკუთვნილია გრილზე ან ფრიტიურში შესაწვავად. მიუხედავად იმისა, რომ არსებობს გარკვეული დავა, ითვლება, რომ სალსიჩა თავდაპირველად ბაზილიკატას რეგიონში შეიქმნა, მაგრამ ახალმომზადებული ძეხვეულის გამოყენება იმდენად გავრცელებულია, რომ იტალიის თითოეულ რეგიონს აქვს სალსიჩას საკუთარი ტიპური სახეობა.
წინა რეიტინგში სალსიჩა მე-3 ადგილს იკავებდა. 
9. მერგეზი - ალჟირი, ტუნისი, მაროკო
წინარეიტინგში მერგეზი მე-7 ადგილზე იყო.
10. თიურინგიული როსტბრატვურსტი
Taste Atlas-ის მიხედვით, აგვისტოს რეიტინგში მე-19 ადგილზე მყოფი კუპატი ახალ რეიტინგში მე-20 ადგილზეა.
რეიტინგში 73-ე ადგილიდან 79-ე ადგილზე ჩამოქვეითდა ყაზახური (გავრცელებულია აგრეთვე უზბეკეთსა და ყირგიზეთში) ძეხვი ჯკაზი, რომელიც ცხენის ხორციდან მზადდება. ტრადიციულად, კაზში ნეკნების ხორცი და ქონი შეზავებულია ნივრით, პილპილით და მარილით და მოთავსებულია ნაწლავში. 
