ჩინეთის აღმოსავლეთ და სამხრეთ რეგიონებში ძლიერი ტაიფუნი "დელფინი" (Dolphin) მძვინვარებს. სტიქიის მოსალოდნელი კატასტროფული შედეგების თავიდან ასაცილებლად, ადგილობრივმა ხელისუფლებამ საგანგებო ზომები მიიღო და ზონის მოსახლეობიდან მილიონზე მეტი ადამიანის ევაკუაცია განახორციელა.
სინოპტიკოსების ცნობით, ტაიფუნს თან ახლავს ქარის მძვინვარება და უხვი ნალექი, რამაც შესაძლოა, ფართომასშტაბიანი წყალდიდობები და მეწყრული პროცესები გამოიწვიოს. სტიქიის ეპიცენტრში შეჩერებულია საზოგადოებრივი ტრანსპორტის მუშაობა, გადადებულია საზღვაო და საავიაციო რეისები, ასევე დროებით შეწყდა სასწავლო პროცესი და საწარმოების მუშაობა.
რეგიონში მობილიზებულია სამაშველო სამსახურები და შეიარაღებული ძალების ქვედანაყოფები. ხელისუფლება მოსახლეობას სიმშვიდისკენ და თავშესაფრებში დარჩენისკენ მოუწოდებს, სანამ სტიქიის მძაფრი ფაზა არ ჩაივლის.
