ასეთ ინფორმაციას სააგენტო „როიტერი“ ავრცელებს.
პარასკევს, შავ ზღვაში, ბოსფორის სრუტესთან ახლოს, სანქცირებული რუსული ტანკერი „კაიროსი“ აფეთქების შედეგად დაზიანდა. „როიტერის“ ცნობით, გემი დაკავშირებულია მოსკოვის ე.წ. „ჩრდილოვან ფლოტთან“, რომელიც გამოიყენება რუსული ენერგომატარებლების წინააღმდეგ დასავლეთის სანქციების გვერდის ავლისთვის.
თურქეთის ტრანსპორტისა და ინფრასტრუქტურის სამინისტრომ განაცხადა, რომ გამბიის დროშის ქვეშ ეგვიპტიდან რუსეთის პორტ ნოვოროსიისკისკენ მცურავმა 274-მეტრიანი ტანკერ „კაიროსის“ კაპიტანმა განაცხადა თურქეთის სანაპიროდან დაახლოებით 50 კმ-ში მიყენებული „გარე დარტყმის“ შესახებ. აფეთქებამ გემის ძრავის ოთახში ხანძარი გამოიწვია და თურქმა მაშველებმა ეკიპაჟის 25 წევრის ევაკუაციის ოპერაცია დაიწყეს.
გადამზიდავ სააგენტო „ტრიბეკას“ ცნობით, „კაიროსი“, სავარაუდოდ, ნაღმს შეეჯახა და ჩაძირვის საფრთხე ემუქრება. დახმარების გასაწევად ადგილზე სამაშველო ბუქსირები და სანაპირო დაცვა გაგზავნეს.
„როიტერსს“ წყარომ განუცხადა, რომ შავ ზღვაში, თურქეთის სანაპიროდან დაახლოებით 65 კმ-ში, მეორე ტანკერი, ასევე სანქცირებული „ვირატიც“ დაზიანდა., თუმცა სამანქანო განყოფილებაში დაფიქსირებულ ძლიერ კვამლს ეკიპაჟის 20 წევრის ჯანმრთელობის მდგომარეობის გაუარესება არ გამოუწვევია.
