მატარებლით, რომელზეც რუსებმა თავდასხმა განახორციელეს, ბრიტანეთის ყოფილი პრემიერ-მინისტრი ბორის ჯონსონი და გერმანიის კანცლერ ფრიდრიხ მერცის ერთ-ერთი მრჩეველი მგზავრობდნენ.
ამის შესახებ „შპიგელი“ ავრცელებს ინფორმაციას.
როგორც „უკრზალიზნიცა“ იტყობინება, ოკუპანტებმა პოლონეთის საზღვრიდან ორ კილომეტრში სამგზავრო მატარებლის ლოკომოტივი დაბომბეს.
გამოცემის ცნობით, მერცის ოფისში საგარეო პოლიტიკისა და უსაფრთხოების მრჩეველი გიუნტერ ზაუტერი კიევიდან პოლონეთში მიმავალ მატარებელში იმყოფებოდა.
მედიის ცნობით, კიევში ზაუტერმა დიდი ბრიტანეთის, საფრანგეთისა და იტალიის უსაფრთხოების მრჩევლებთან, ასევე უკრაინის მთავრობასთან ერთად რუსეთთან შესაძლო სამშვიდობო მოლაპარაკებები განიხილა.
ზაუტერის გარდა, მატარებელში ასევე იმყოფებოდნენ სხვა ევროპული მთავრობების უსაფრთხოების მრჩევლები, ბუნდესტაგის წევრები, დიპლომატები და მეცნიერები.
რუსმა სამხედროებმა სამგზავრო მატარებელზე თავდასხმა ვოლინში, პოლონეთის საზღვრიდან ორ კილომეტრში განახორციელეს. მათ თავდასხმის დროს დრონები გამოიყენეს.
