გერმანიის კანცლერმა ფრიდრიხ მერცმა მექლენბურგ-წინა პომერანიასა და ბერლინში გამართული არჩევნების შედეგებისთვის მიძღვნილ ერთობლივ პრესკონფერენციაზე განაცხადა, რომ მნიშვნელოვნად მიიჩნევს მმართველი კოალიციის მუშაობის გაგრძელებას მის მიერ ქრისტიანულ-დემოკრატიული კავშირისა (ქდკ) და გერმანიის სოციალ-დემოკრატიული პარტიის (სდპგ) შემადგენლობით.
"სდპგ-მ მკაფიოდ განაცხადა, რომ მხარს უჭერს მმართველი კოალიციის შენარჩუნებას. ეს გვეხება ჩვენც, ეს მეხება მეც. ერთად ჩვენ მტკიცედ ვართ განწყობილნი, პასუხი გავცეთ იმ ისტორიულ გამოწვევებს, რომელთა წინაშეც ჩვენი ქვეყანა აღმოჩნდა", - განაცხადა მერცმა.
იმავდროულად, კანცლერმა მიანიშნა, რომ არ აპირებს გადახვევას იმ რეფორმების კურსიდან, რომელსაც მისი კაბინეტი ატარებს. კერძოდ, მერცმა განაცხადა, რომ გეგმავს სდპგ-ს თანათავმჯდომარეებთან, ბერბელ ბასთან და ლარს კლინგბაილთან ერთად განიხილოს, როგორ გააგრძელებენ ერთობლივ მუშაობას. "მაგრამ ის, რომ ჩვენ ერთობლივ მუშაობას გავაგრძელებთ, ჩემი აზრით, სწორია", — ხაზგასმით აღნიშნა გერმანიის მთავრობის ხელმძღვანელმა.
მერცის შეფასებით, გერმანიაში ახლა "პარტიული სისტემის ღრმა ცვლილება" შეინიშნება და ეს, მისი თქმით, "სცილდება იმ კრიტიკის ფარგლებს", რომელიც მის პიროვნებაზეა მიმართული. "ამავდროულად, ულტრამემარჯვენე ("ალტერნატივა გერმანიისთვისთვის") და ულტრამემარცხენე (პარტია "მემარცხენეები") ძალები, რომლებიც წარმოადგენენ დესტრუქციულ ძალებს, ამ პირობებში მხოლოდ ძირს უთხრიან მოქალაქეების ნდობას პოლიტიკის მიმართ", — განაცხადა კანცლერმა.
