ამერიკელი კონგრესმენი ჯო უილსონი ეუთო-ს გენერალურ მდივანს, ფერიდუნ სინირლიოღლუს საქართველოში ვიზიტისგან თავის შეკავებისკენ მოუწოდებს.

უილსონი სოციალურ ქსელში სინირლიოღლუსთვის მიწერილ წერილს აქვეყნებს და განმარტებასაც ურთავს.

„როგორც ჰელსინკის კომისიის თანათავმჯდომარე, მოვუწოდე ეუთო-ს გენერალურ მდივან სინირლიოღლუს, გადადოს მისი მგზავრობა თბილისში. ნებისმიერი ვიზიტი ივანიშვილის არალეგიტიმურ რეჟიმთან არასწორად იქნება აღქმული, როგორც მათ მიერ ხელისუფლების ტირანული მიტაცების მოწონება. ჩვენ ერთად უნდა ვიდგეთ ქართველი ხალხის გვერდით“, – წერს ჯო უილსონი სოციალურ ქსელში.