ინდოეთის ხელისუფლებამ Netflix-თან დაკავშირებით გამოძიება დაიწყო

"საკითხი ეხება სავიზო და საგადასახადო კანონმდებლობის დარღვევას ინდოეთში Netflix-ის ბიზნეს პრაქტიკასთან დაკავშირებით", - წერს წერილში ინდოელი მაღალჩინოსანი დიპაკ იადავი ნიუ დელიში შინაგან საქმეთა სამინისტროს უცხოელთა რეგიონალური რეგისტრაციის ოფისიდან (FRRO).

გარდა ამისა, იადავის თანახმად, FRRO-მ მიიღო "გარკვეული ინფორმაცია" რასობრივი დისკრიმინაციის ინციდენტებთან დაკავშირებით, რომლებშიც Netflix იყო ჩართული.

ნანდინა მეჰტა ინდოეთში Netflix-ის ბიზნესისა და იურიდიული საქმეთა დირექტორის თანამდებობიდან 2020 წელს გაათავისუფლეს. სწორედ მან დაადანაშაულა კომპანია სამსახურიდან გათავისუფლების შემდეგ დისკრიმინაციასა და ინდოელი ქალების მუდმივ შევიწროებაში. მან ასევე თქვა, რომ მაშინ, როცა ის წელიწადში 350 ათას დოლარს გამოიმუშავებდა, მისი კოლეგები ნაკლებ თანამდებობებზე 700-800 ათას დოლარს გამოიმუშავებდნენ. Reuters-ის კომენტარებში მეჰტამ დაადასტურა, რომ მან სარჩელი შეიტანა Netflix-ის წინააღმდეგ შეერთებულ შტატებში. თავად კომპანიამ ყოფილი ტოპ მენეჯერის ბრალდებები ადრე უარყო.

Netflix არის ამერიკული სტრიმინგის სერვისი, რომლის სათავო ოფისი მდებარეობს ლოს-გატოსში (კალიფორნია). 2013 წლიდან Netflix აწარმოებს საკუთარ ფილმებსა და სერიალებს, მათ შორის ანიმაციურს, ასევე სატელევიზიო გადაცემებს. ინდოეთი სერვისის აბონენტების რაოდენობით მეათე ადგილზეა (5,5 მილიონი ადამიანი). შედარებისთვის, Netflix-ს ჰყავს 66,7 მილიონი გამომწერი აშშ-ში.

Netflix-ის შემოსავალი 2024 წლის პირველ კვარტალში 15%-ით გაიზარდა 2023 წლის ანალოგიურ პერიოდთან შედარებით და 9,4 მილიარდ დოლარს მიაღწია. სერვისმა ასევე მოახერხა წმინდა მოგების გაზრდა 1,3 მილიარდი დოლარიდან 2,3 მილიარდ დოლარამდე.