ასეთი განცხადება აზერბაიჯანის პრეზიდენტმა ილჰამ ალიევმა შუშის გლობალურ მედიაფორუმზე გამოსვლისას გააკეთა.
ილჰამ ალიევის თქმით, დასავლეთში, ზოგიერთ წრეებში, იმედგაცრუებაა იმის გამო, რომ აზერბაიჯანი არ ემორჩილება, უგულებელყოფს რეკომენდაციებს და თავისებურად მოქმედებს.
ბაქო რომ სხვების რჩევებს მიჰყოლოდა, დღეს ქვეყანა მინიმუმ ორ მეზობელთან ომში, ვალებში ჩაფლული და სავალუტო ფონდზე დამოკიდებული იქნებოდა და ვერასდროს გაათავისუფლებდა ყარაბაღს.
ალიევმა ხაზგასმით აღნიშნა, რომ აზერბაიჯანი არავის ახვევს თავს თავის აზრს, არ ეუბნება მათ, როგორ იცხოვრონ და რა ჭამონ. მან აღნიშნა, რომ ქვეყნის ხელმძღვანელობა მოქმედებს აზერბაიჯანელი ხალხის ნების შესაბამისად. მისი თქმით, აზერბაიჯანმა უარი თქვა ევროპაში აზრზე გავლენის მოხდენის მცდელობებზე, რადგან ამას დროის ფუჭად კარგვად მიიჩნევს.
ჩვენ გვჭირდება, რომ სამხრეთ კავკასია გახდეს სტაბილური და უსაფრთხო რეგიონი, განაცხადა პრეზიდენტმა.
მან გაიხსენა, რომ სამხრეთ კავკასია საუკუნეების განმავლობაში სისხლის ღვრის, ძალადობრივი შეტაკებების, ომებისა და ოკუპაციის ზონა იყო და რომ კავკასიის ხალხებმა უზარმაზარი ტანჯვა გადაიტანეს და თქვა:
„საკმარისია. ახლა ჩვენ მშვიდობიანად უნდა ვიცხოვროთ“.
