გაეროს მეტეოროლოგიური სამსახურის პროგნოზით, მომავალი, 2027 წელი შესაძლოა, კაცობრიობის ისტორიაში ყველაზე ცხელი წელი იყოს. მეცნიერთა თქმით, ამის მთავარი მიზეზი ძლიერი და რეკორდული "ელ-ნინიოს" ფენომენია, რომელიც გლობალურ ტემპერატურას კიდევ უფრო გაზრდის.
წყნარ ოკეანეში მიმდინარე ეს კლიმატური ფენომენი ტრადიციულად, ზრდის პლანეტის საშუალო წლიურ ტემპერატურას. ექსპერტები შიშობენ, რომ მოახლოებული ციკლი განსაკუთრებით მასშტაბური იქნება.
ბუნებრივ ფენომენთან ერთად, სიტუაციას ართულებს ატმოსფეროში სათბურის აირების მუდმივი ზრდა, რაც გლობალური დათბობის ტემპს აჩქარებს.
მეტეოროლოგები აფრთხილებენ, რომ ექსტრემალური სიცხე გამოიწვევს სერიოზულ გამოწვევებს:
გახშირდება ექსტრემალური ამინდის მოვლენები — ძლიერი გვალვები, ხანძრები და ტალღებად მოსული ტემპერატურული პიკები.
გაიზრდება ზეწოლა სოფლის მეურნეობაზე, წყლის რესურსებსა და გლობალურ ეკონომიკაზე.
გაერო მოუწოდებს მსოფლიო ლიდერებს, გააძლიერონ ძალისხმევა კლიმატის ცვლილებასთან საბრძოლველად და მოემზადონ ექსტრემალური კლიმატური პირობებისთვის.
