რუსული ძალების მორიგი იერიშის შედეგად ჩერნიგოვის ოლქის ქალაქი პრილუკები დაზარალდა. თავდასხმას მსხვერპლი მოჰყვა - ოფიციალური მონაცემებით, სამი ადამიანი დაიღუპა, ხოლო შვიდი - დაშავდა.
თავდასხმა ქალაქის ინფრასტრუქტურასა და სამოქალაქო ობიექტებს შეეხო. მძლავრი დარტყმა სოფლის მეურნეობის საწარმოს საწყობებზე იყო, სადაც აფეთქების შედეგად ხანძარი გაჩნდა. აფეთქების ტალღამ მნიშვნელოვნად დააზიანა მახლობლად მდებარე მრავალბინიანი საცხოვრებელი სახლები, რომლებსაც ფანჯრები ჩაუმსხვრია და ფასადები დაუზიანა.
ადგილობრივი ხელისუფლების განცხადებით, დაშავებულები საავადმყოფოებში არიან გადაყვანილი და მათ შესაბამისი სამედიცინო დახმარება უტარდებათ. თავდასხმის ადგილზე მობილიზებულნი არიან სამაშველო სამსახურები, მეხანძრეები, ექიმები და სამართალდამცველები. მაშველები ნანგრევების გასუფთავებას და შესაძლო დაზარალებულთა ძებნის ოპერაციას აგრძელებენ.
