ბერლინში ელექტროენერგიის მასშტაბური გათიშვა შესაძლოა ხუთშაბათამდე გაგრძელდეს. ოპერატორის ცნობით, მიზეზი გამანაწილებელ ქვესადგურში ხანძრის შემდეგ ელექტროგადამცემი ხაზების შეცვლის სამუშაოებია. პოლიცია არ გამორიცხავს, რომ ხანძრის მიზეზი წინასწარგანზრახული ქმედება გახდა.
შაბათს ბერლინის ნიკოლაასეს, ვანზეეს, ზელენდორფისა და ლიხტერფელდეს მნიშვნელოვანი ნაწილები ელექტროენერგიის გარეშე დარჩა. ამ ტერიტორიაზე დაახლოებით 45 000 ოჯახი და 2200 ბიზნესსაწარმო დარჩა ელექტროენერგიის გარეშე დარჩა. გამანაწილებელ ქვესადგურში მომხდარ ხანძარზე პასუხისმგებლობა აიღო მემარცხენე ექსტრემისტულმა ჯგუფმა „ვულკანი“. პოლიცია სწავლობს ჯგუფის მიერ rbb|24-სთვის გაგზავნილ პასუხისმგებლობის აღების წერილს და ჯერჯერობით დასკვნებს არ აკეთებს.
„არ არის გამორიცხული, რომ ეს იყო უკრაინის მოკავშირეების წინააღმდეგ რუსეთის ხელმძღვანელობით განხორციელებული ოპერაცია“, - წერს მედია უსაფრთხოების სამსახურში წყაროზე დაყრდნობით წერს.
კვირა დილისთვის ელექტროენერგიის მიწოდება 10 000-მდე ოჯახს აღუდგება, ბევრისთვის კი ელექტროენერგიის გათიშვა შესაძლოა ხუთშაბათამდე გაგრძელდეს. შტეგლიც-ზელენდორფის რაიონის ადმინისტრაციამ ჯერჯერობით დროებითი თავშესაფრების მოწყობა სამ ადგილას მოახერხა. რამდენიმე საეკლესიო თემი ასევე გეგმავს კვირას გახსნას სივრცეები, სადაც ხალხს შეეძლება გათბობა ან მობილური ტელეფონების დატენა.
