ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ ქსელში წერს.

"ევიანში გამართულ სამიტზე პრეზიდენტ ზელენსკის გუშინდელი მუშაობის შემდეგ, ჩვენ მივესალმებით G7-ის მტკიცე განცხადებას, რომელიც უკრაინის მხარდაჭერისა და რუსეთზე ზეწოლის გაზრდის ახალ ნაბიჯებს მოიცავს.

განსაკუთრებით მინდა აღვნიშნო ტონისა და შეფასებების დადებითი ცვლილება და მათი უფრო მჭიდრო თანხვედრა უკრაინასა და ჩვენს G7 მოკავშირეებს შორის. ჩვენ მივესალმებით ასეთ ერთიანობას და სიძლიერეს.

G7 კიდევ ერთხელ ადასტურებს, რომ მსოფლიოს უძლიერესი დემოკრატიები ერთიანად დგანან უკრაინის გვერდში და ერთგულნი არიან უკრაინისთვის ყოვლისმომცველი, სამართლიანი და მდგრადი მშვიდობის აღდგენისა.

ეს მხარდაჭერის მნიშვნელოვანი სიგნალია, რომელსაც უკრაინა ძალიან აფასებს.

ჩვენ ასევე გულწრფელად მადლიერები ვართ G7-ის მიმართ მისი მზადყოფნისთვის, გადადგას კონკრეტული ნაბიჯები უკრაინის თავდაცვისუნარიანობის, საჰაერო თავდაცვისა და ენერგეტიკული მდგრადობის გასაძლიერებლად, ასევე რუსეთის წინააღმდეგ სანქციების გამკაცრებისთვის.

მიუხედავად იმისა, რომ რუსეთი არ ავლენს მზადყოფნას, ჩაერთოს კეთილსინდისიერ დიპლომატიაში, არსებული ბერკეტები უნდა იქნეს გამოყენებული, რათა საბოლოოდ მოლაპარაკების მაგიდასთან დაჯდეს.

ერთად ჩვენ უფრო ძლიერები ვართ", - წერს სიბიგა.