ჭავჭავაძის გამზირზე, თსუ-ს პირველ კორპუსთან მსჯავრდადებულ მათე დევიძის მხარდასაჭერი აქცია მიმდინარეობს. აქციის მონაწილეებმა გადაკეტეს გზა ვარაზისხევიდან მელიქიშვილის გამზირის, ჭავჭავაძის გამზირისა და კეკელიძის ქუჩის მიმართულებით.
აქციი მონაწილეებმა თსუ-ს პირველი კორპუსის მიმდებარედ, გზის სავალ ნაწილზე ორი კარავიც განათავსეს. აქციის მონაწილეები სკანდირებენ: „ძირს ივანიშვილის რეჟიმი“, „ძირს უსამართლო სასამართლო“.
ადგილზე მობილიზებულნი არიან სამართალდამცავები.
შეგახსენებთ, თბილისის საქალაქო სასამართლომ პოლიციელებზე თავდასხმის ფაქტზე ბრალდებულ მათე დევიძეს 4 წლით და 6 თვით პატიმრობა მიუსაჯა
