ნაძალადევის რაიონის გამგეობა, ახალგაზრდებში ჯანსაღი ცხოვრების წესის დანერგვისა და პოპულარიზაციის მიზნით, სხვადასხვა სახის სპორტულ ღონისძიებებს ატარებს.
ამჯერად, ფრენბურთის ჩემპიონატი „ნაძალადევის თასი 2025“ გაიმართა. ტურნირში 17 საჯარო სკოლის გოგონათა და ვაჟთა გუნდი მონაწილეობდა. შეჯიბრება ოლიმპიური პრინციპით ჩატარდა. პირველ, მეორე, მესამე და მეოთხე ადგილზე გასულ მოთამაშეებს თასები, მედლები და ფულადი ჯილდოები - 1 500, 1 200, 1 000 და 800 ლარი გადაეცათ. ფულადი ვაუჩერებით დასაჩუქრდნენ გამარჯვებული გუნდების მწვრთნელებიც.
გოგონათა შორის პირველი ადგილი 154-ე საჯარო სკოლის გუნდმა დაიკავა,
მეორე ადგილზე 32-ე სკოლის გუნდი გავიდა, მესამე ადგილი 159-ე საჯარო სკოლამ მოიპოვა, ხოლო მეოთხე ადგილოსანი 138-ე საჯარო სკოლა გახდა.
ბიჭების გუნდებს შორის ადგილები შემდეგნაირად გადანაწილდა: პირველი ადგილი - 207-ე საჯარო სკოლა; მეორე ადგილი - მე-14 საჯარო სკოლა; მესამე ადგილი - 142-ე საჯარო სკოლა; მეოთხე ადგილი - 190-ე საჯარო სკოლა. სპორტულ შეჯიბრებას ფრენბურთში ნაძალადევის რაიონის გამგებელი ირაკლი ანდღულაძე და საკრებულოს მაჟორიტარი დეპუტატები - ვალერიან პაპუაშვილი და ირაკლი ბენდელიანი დაესწრნენ.
შეჯიბრება ნაძალადევის რაიონის გამგეობის ორგანიზებითა და დაფინანსებით 114-ე საჯარო სკოლაში გაიმართა.
