ხულოს, შუახევისა და ქედის მუნიციპალიტეტებში და ხელვაჩაურისა და ქობულეთის მაღალი ზონის სოფლებში აჭარის საავტომობილო გზების დეპარტამენტის სპეც-ტექნიკა აქტიურად ახორციელებს საავტომობილო გზების გაწმენდით სამუშაოებს - ამის შესახებ ინფორმაციას აჭარის საავტომობილო გზების დეპარტამენტი ავრცელებს.
მათივე ინფორმაციით, ამ ეტაპზე გრძელდება ადმინისტრაციულ ცენტრებთან და სოფლებთან დამაკავშირებელი გზების გაწმენდა. სამუშაოებში ჩართულია 80-მდე სპეც-ტექნიკა და ადამიანური რესურსი.
უწყებაში ასევე აღნიშნავენ, რომ მუნიციპალიტეტებში, დიდთოვლობისა და უამინდობის გამო, საავტომობილო მოძრაობა რეკომენდებულია მაღალი გამავლობის ავტომობილებით მოცურების საწინააღმდეგ.
