აჭარის საავტომობილო გზების დეპარტამენტი ხელვაჩაურისა და ქედის მუნიციპალიტეტის რამდენიმე სოფელში დამეწყრილი საავტომობილო გზის გაწმენდის სამუშაოებს ინტენსიურ რეჟიმში ახორციელებს.
უწყების ცნობით, ხელვაჩაურში, სოფელ ზედა კირნათის და ქვედა-ჩხუტუნეთი-გორგაძეების საავტომობილო გზაზე გაწმედნის სამუშაოები დასრულებულია.
მათივე განმარტებით, ამ ეტაპზე აქტიურად მიმდინარეობს სოფელ კობალთაში და სარფში კალენდერეს მიმართულებით დამეწყრილი გზის აღდგენა.
ქედაში, ქედა-გოგინიძეების მიმართულებით გაწმენდითი სამუშაოები დასკვნით ეტაპზეა.
ხელვაჩაურის მუნიციპალიტეტში, მაჭახლის ხეობაში მიმდინარე სამუშაოებს ხელვაჩაურის მერთან ერთად აჭარის საავტომობილო გზების დეპარტამენტის უფროსი გიორგი ცინარიძე გაეცნო.
