ფრაქცია „ქართული ოცნების“ თავმჯდომარის პირველი მოადგილე, რატი იონათამიშვილი დავით ბერძენიშვილის განცხადებას გამოეხმაურა, სადაც ბერძენიშვილი აცხადებს, რომ „საქართველოს საპატრიარქო, პატრიარქის თამადობით სტალინისტებით არის გაძეძგილი“.
„რადიკალურმა ოპოზიციამ თავად დაიყენა საკუთარი თავი პოლიტიკურ ანათემაზე, ამ პოლიტიკურ ანათემას საბოლოოდ ჩვენი ამომრჩეველი 2024 წლის საპარლამენტო არჩევნებზე გააფორმებს. რადიკალური ოპოზიცია ასევე ებრძვის ყველაფერს იმას, რაზეც ჩვენი ეროვნება, იდენტობა, ჩვენი კულტურა დგას. როგორც ჩანს, ამ ბრძოლას სინამდვილეში სულ სხვა მიზნები და ამოცანები აქვს. ფაქტობრივად, თითოეული მსგავსი განცხადებით საკუთარი რეალური მიზნების ლუსტრირებას ახდენენ“, - განაცხადა რატი იონათამიშვილმა.
რესპუბლიკელების“ ერთ-ერთმა ლიდერმა, დავით ბერძენიშვილმა „ტვ პირველის“ ეთერში საპატრიარქო და თავად პატრიარქი სტალინისტებად მოიხსენია.
