საქართველოს პრემიერ-მინისტრი ირაკლი კობახიძე სამთავრობო პროგრამის შესრულების შესახებ მოხსენებით პარლამენტს 27 ივნისს მიმართავს.
დოკუმენტი წერილობითი ფორმით დღეს ბიუროს სხდომას წარედგინა.
ბიუროს სხდომაზე ვიცე-სპიკერმა, ნინო წილოსანმა განაცხადა, რომ საკანონმდებლო ორგანო პრემიერ-მინისტრს 27 ივნისს მოუსმენს.
146-გვერდიან მოხსენებაში საუბარია ისეთ საკითხებზე, როგორიცაა: დემოკრატიული და ეკონომიკური განვითარება, სოციალური პოლიტიკა და ადამიანური კაპიტალის განვითარება, საგარეო პოლიტიკა და თავდაცვა.
რეგლამენტის მიხედვით, პრემიერ-მინისტრი ვალდებულია, წელიწადში ერთხელ, საგაზაფხულო სესიის პლენარული სხდომების ბოლო თვეში პარლამენტს სამთავრობო პროგრამის შესრულების შესახებ მოხსენება წარუდგინოს.
ირაკლი კობახიძემ პარლამენტს გასულ წელს 28 ივნისს მიმართა.
