ხალხშიც არის ეგ განწყობა - როდემდე „ნაციონალური მოძრაობა“. ეს არის ძალა, რომელიც ტივტივებს პოლიტიკურ ველზე და გარედან სულდგმულობს, რომ ის უნდა იყოს ხელისუფლების ცვლილების ინიციატორი, - ამის შესახებ „ხალხის ძალის” ერთ-ერთმა ლიდერმა მიხეილ ყაველაშვილმა გადაცემაში „იმედი LIVE“ განაცხადა.
„წლიდან წლამდე ვხედავთ, რომ მათი რეიტინგი ეცემა. ძალა, რომელიც ხელისუფლებაში იყო და ასეთი დანაშაულები ჩაიდინა, ამ დანაშაულებთან დაკავშირებით მინიმუმ კითხვები არსებობს. ფაქტებია, რომელზეც ვალდებულება გვაქვს. ჩვენ თუ პასუხისმგებლობიანი პოლიტიკოსები ვართ, ჩვენი მომავალი თაობებისთვის, სამართლიანი სახელმწიფოსთვის, იმისთვის, რომ ხვალ მსგავსი ძალა არ გამოჩნდეს და არ მოუნდეს ხელისუფლებაში მოსვლა, უნდა გასამართლდეს. ჩვენ ხაზს ვუსვამთ, რომ ეს უნდა განახორციელოს საქართველოს კონსტიტუციამ და მართლმსაჯულებამ“, - განაცხადა მიხეილ ყაველაშვილმა.
„ხალხის ძალამ“ განცხადება გაავრცელა, სადაც აღნიშნულია, რომ „უნდა მოეწყოს ქართული „ნიურნბერგის პროცესი“, რათა კოლექტიურმა ნაცმოძრაობამ პასუხი აგოს როგორც 2012 წლამდე ჩადენილი უმძიმესი დანაშაულებისთვის, ასევე იმ დანაშაულებისთვისაც, რომლებსაც ისინი 2012 წლიდან დღემდე სჩადიან“.
