საოცარი ინფორმაცია ვრცელდება. უკვე იმაში გვარწმუნებენ, მილიონებს მიზნობრიობის გარეშე გვაძლევენო, - ამის შესახებ “ქართული ოცნების” აღმასრულებელი მდივანი, მამუკა მდინარაძე სოციალურ ქსელში წერს.
“საოცარი ინფორმაციები ვრცელდება. უკვე იმაში გვარწმუნებენ, მილიონებს მიზნობრიობის გარეშე გვაძლევენო… უკვე ღიად ადასტურებენ, რომ საკუთარ ქვეყანას, საქართველოს ყიდიან, მაგრამ თავად ქვეყანა და ხალხი არ დაუშვებს ამას! სამშობლო არ იყიდება!”, - წერს მამუკა მდინარაძე.
ცნობისთვის: ტელეკომპანია „მთავარის“ დამფუძნებელმა და პარტია „ახალის“ ლიდერმა ნიკა გვარამია „რუსთავი2“-თან განაცხადა, რომ „მთავარი არხისთვის“დამტკიცებულ გრანტს არაფერი აქვს საერთო ლგბტ პროპაგანდასთან.
„პროპაგანდისთვის ჯერ გრანტი საერთოდ გაგიგიათ? მეორე - არანაირი კავშირი ლგბტ თემასთანაც კი არ აქვს ამ გრანტს, ეს გრანტი არის მიზნობრიობის გარეშე, მედიამხარდაჭერისთვის“, - აღნიშნა გვარამიამ.
