"ნაციონალური მოძრაობის" დეპუტატის ხატია დეკანოიძის განცხადებით, ყველა ამბობს მხოლოდ ერთს - ამ ორი კანონპროექტის განხილვაც კი დაგვაზიანებს, არათუ ამ კანონპროექტების მიღება.
„ცხადია, ეს არის ის კანონი, რომელიც ეფუძნება რუსეთის და არა საქართველოს ინტერესებს, ამას ამბობს დღეს ჩვენი მნიშვნელოვანი მეგობარი ამერიკის შეერთებული შტატებიდან და არა მხოლოდ ამერიკის შეერთებული შტატებიდან, მთელი მსოფლიო, ყველა ჩვენი მეგობარი, ვინც მხარი დაგვიჭირა მას შემდეგ რაც დამოუკიდებლობა გამოვაცხადეთ, ყველა ამბობს მხოლოდ ერთს - ამ ორი კანონპროექტის განხილვაც კი დაგვაზიანებს, არა თუ ამ კანონპროექტების მიღება და რეალურად ღილაკზე თითის დაჭერა. ეს ის ადამიანები არიან, ვისაც საქართველოს სუვერენიტეტი და განვითარება სურთ, მაგრამ გარდა ამისა, არსებობენ ადამიანები, ვისაც პირადად ეხებათ ეს კანონი და ამ ადამიანების აგენტებად შერაცხვა გინდათ. თქვენ ამ ადამიანებს, ვინც გინდათ, რომ აგენტებად გამოაცხადოთ, ადამიანებს, ვინც ეხმარება ძალადობის მსხვერპლ ქალებს, ადამიანებს ვინც შეზღუდული შესაძლებლობის მქონე პირებს ეხმარება, ადამიანები, ვინც ჩართული არიან სკოლებში, ქართულ დემოკრატიულ პროცესებში და რეალურად აფინანსებენ ამ პროექტებს, ყველა ამ ადამიანს გინდათ აგენტების იარლიყი მიაწებოთ და მერე გიკვირთ რატომ არის საზოგადოება აღშფოთებული“, - განაცხადა ხატია დეკანოიძემ.
