არ არსებობს მიზეზი, რატომ მოისურვებს აშშ საქართველოს ხიფათში ჩაგდებას, სამწუხაროა, რომ ვისმენთ სრულიად მცდარ შეთქმულების თეორიას და ზოგჯერ ეს ისმის მმართველი პარტიის წევრებისგან, – ამის შესახებ აშშ-ის ელჩმა, კელი დეგნანმა ჟურნალისტებს განუცხადა.
"მეორე ფრონტის საკითხს რაც შეეხება, როგორც მანამდე არაერთხელ მითქვამს, ეს 100% სიცრუეა, აბსოლუტური ტყუილია. არ არსებობს მიზეზი, რატომ მოისურვებს აშშ საქართველოს ხიფათში ჩაგდებას. ჩვენ 30 წლის განმავლობაში ვცდილობთ, დაგეხმაროთ, გააძლიეროთ შესაძლებლობა, დაიცვათ საზღვრები; თქვენი უსაფრთხოების გასაძლიერებლად თავდაცვის სამინისტროსთან, სანაპირო დაცვასთან, სასაზღვრო პოლიციასთან ერთად ვმუშაობთ. რატომ დავაყენებთ საქართველოს რისკის ქვეშ? ძალიან მგრძნობიარე ვართ იმ საკითხში, რომ საქართველოს ტერიტორიის 20 პროცენტი ოკუპირებულია ისეთი აგრესორის მიერ, როგორიც რუსეთია. ჩვენ აბსოლუტურად არასდროს ჩავაყანებთ საქართველოს ასეთ პოზიციაში. ეს ადრეც ბევრჯერ მითქვამს. სამწუხაროა, რომ ვისმენთ სრულიად მცდარ შეთქმულების თეორიას და ზოგჯერ ეს ისმის მმართველი პარტიის წევრებისგან. ძალიან სამწუხაროა. ეს ასი პროცენტით სიცრუეა“, – განაცხადა კელი დეგნანმა.
