წარმოუდგენელია, ნორმალურმა ადამიანმა გადადგას ყველანაირად გაუაზრებელი ნაბიჯი,- ამის შესახებ თბილისის მერმა კახა კალაძემ მედიასთან ალეკო ელისაშვილის საქმესთან დაკავშირებით განაცხადა.
მისი თქმით, ძალადობის წახალისებას ყოველთვის შესაბამისი ქმედება მოჰყვება.
“არ ვიცი, რა ვთქვა. ერთია განცხადებები, მეორეა - კონკრეტული ქმედებები. ეს კონკრეტული პოლიტიკური პარტიები ქმედებებით ახალისებენ ძალადობას. არ მახსოვს, საჯაროდ დაეგმოთ ძალადობა, პირიქით, ხდებოდა წახალისება და ამას საზოგადოებაში მოჰყვებოდა კრიტიკა. როდესაც ახალისებ ძალადობას, იღებ იმ შედეგებს, რასაც, ამ შემთხვევაში, ელისაშვილი იღებს. როგორ შეიძლება ვიმსჯელოთ მის ქმედებებზე, წარმოუდგენელია, რაც მან გააკეთა”,- განაცხადა კახა კალაძემ.
შეგახსენებთ, ტერორისტული აქტის ჩადენის მცდელობის ფაქტზე ბრალდებულ ალეკო ელისაშვილს აღკვეთის ღონისძიების სახედ პატიმრობა შეეფარდა
შინაგან საქმეთა სამინისტროს ოფიციალური ინფორმაციით, ალეკო ელისაშვილმა ჩაამსხვრია თბილისის საქალაქო სასამართლოს შენობის მინა, შეაღწია კანცელარიის შიდა სივრცეში, სადაც პერიმეტრზე ბენზინი დაასხა და შენობის დაწვა სცადა - ის მანდატურებმა ადგილზევე დააკავეს
